गिरणा पंपींग पाईप चोरी प्रकरण ; सुनील महाजन यांना अटकपूर्व जामीन मंजूर

जळगाव |
जळगाव शहरातील गिरणा पंपींग येथे ब्रिटीश कालीन पाणी पुरवठा योजनेतील जुन्या पाईप चोरी करून नेण्याच्या प्रकरणात संशयित आरोपी महापालिकेतील माजी विरोधी पक्षनेते सुनील महाजन यांना उच्च न्यायालयाने अंतरीम अटकपूर्व जामीन मंजूर केला आहे. हे प्रकरण रामानंद नगर पोलीस ठाणे आणि जळगाव तालुका पोलीस ठाण्यात दाखल करण्यात आले होते, ज्यामुळे सुनील महाजन हे काही काळ फरार होते.

सुनील महाजन यांनी जिल्हा न्यायालयात अटकपूर्व जामीनासाठी अर्ज सादर केला होता, परंतु तो अर्ज फेटाळून लावला गेल्याने त्यांनी उच्च न्यायालयात धाव घेतली. उच्च न्यायालयाच्या खंडपीठाचे न्यायमूर्ती पेडणेकर यांच्या न्यायालयात या प्रकरणाची सुनावणी झाली. या सुनावणीत सुनील महाजन यांच्या वतीने अँड. सागर चित्रे व अॅड. राजेंद्र देशमुख यांनी युक्तीवाद केला.
अॅड. सागर चित्रे व अॅड. राजेंद्र देशमुख यांनी सांगितले की सुनील महाजन हे एक विद्यालयात मुख्याध्यापक असल्याने दहावीच्या विद्यार्थ्यांची परीक्षा येत असल्याने त्यांना कार्यालयीन कामे पूर्ण करावी लागतील. न्यायमूर्ती पेडणेकर यांनी हा युक्तीवाद मानून सुनील महाजन यांना 4 फेब्रुवारीपर्यंत अंतरीम जामीन मंजूर केला आहे. यामुळे सुनील महाजन यांना या प्रकरणात दिलासा मिळाला आहे.