आशियाई आट्यापाट्या क्रीडा स्पर्धेत रोहित नवले व देवेश पाटील यांना सुवर्णपदक
जळगाव |दिनांक ४ जुलै २०२५|खान्देश लाईव्ह न्यूज|
भारतीय आट्यापाट्या महामंडळाच्या वतीने हासीमरा पश्चिम बंगाल येथे झालेल्या दुसऱ्या आशियाई आंतरराष्ट्रीय आटयापाट्या क्रीडा स्पर्धेत भारतीय संघाने अंतिम सामन्यात बांगलादेशचा दोन शून्य सेटने पराभव करीत दुसऱ्यांदा आशिया कपावर आपले नाव कोरले.
या स्पर्धेत जळगावच्या रोहित नवले व देवेश पाटील यांनी भारतीय संघाकडून खेळताना उत्कृष्ट कामगिरी करून संघास विजेतेपद प्राप्त करून देण्यासाठी महत्त्वाची भूमिका बजावली आहे. सर्वसामान्य कुटुंबातील रोहित व देवेश यांनी आशियाई आट्यापाट्या स्पर्धेमध्ये घेतलेल्या सुवर्ण भरारीचे सर्वत्र कौतुक होत आहे.
दोघेही खेळाडू “सिद्धिविनायक विद्यालयात” सुरू असलेल्या आट्यापाट्या प्रशिक्षण केंद्र केंद्राचे खेळाडू आहेत.
आट्यापाट्या संघटनेचे अध्यक्ष आमदार प्रा. चंद्रकांत सोनवणे, भंगाळे गोल्डचे संचालक व शहरातील नामवंत उद्योजक माननीय श्री. भागवत भंगाळे यांच्या हस्ते दोघाही सुवर्णपदक विजेत्या खेळाडूंचा सत्कार करण्यात आला. याप्रसंगी शिवछत्रपती क्रीडा पुरस्कार प्राप्त डॉ प्रदीप तळवेलकर (सचिव जळगाव जिल्हा आटयापाटया संघटना), श्री .बन्सी माळी खेळाडूंचे प्रशिक्षक श्री अनिल माकडे सर यांची उपस्थिती लाभली.
सुवर्णपदक विजेत्या खेळाडूंचे अभिनंदन व कौतुक माजी आमदार लता चंद्रकांत सोनवणे, श्री. रवींद्र नाईक साहेब (जिल्हा क्रीडा अधिकारी), डॉ.अमृता सोनवणे ,(कार्याध्यक्ष जळगाव जिल्हा आटयापाट्या संघटना) डॉ. गौरव सोनवणे (संचालक सिद्धिविनायक फाउंडेशन) शिवछत्रपती क्रीडा पुरस्कार प्राप्त श्री. विजय न्हावी, श्री .विशाल फिरके, अँड अक्षय टेमकर यांनी केले आहे.
