पंतप्रधान नरेंद्र मोदी यांच्या वाढदिवसानिमित्त १७ सप्टेंबर ते २ ऑक्टोबर भाजपा जिल्हा महानगर तर्फे सेवा पंधरवडा राबवणार – आ.सुरेश भोळे

जळगाव | खान्देश लाईव्ह न्यूज |

भारतीय जनता पार्टी जळगाव जिल्हा महानगराची महत्त्वपूर्ण बैठक आज दिनांक १२ सप्टेंबर रोजी दुपारी 12 वाजता नवीन भाजपा कार्यालय, जीएम फाउंडेशन येथे जळगाव शहराचे आमदार सुरेश भोळे (राजू मामा), जिल्हा महानगर जिल्हाध्यक्ष दिपक सूर्यवंशी यांच्या प्रमुख उपस्थितीत संपन्न झाली. या बैठकीमध्ये दि. १७ सप्टेंबर रोजी देशाचे लोकप्रिय पंतप्रधान माननीय नरेंद्र मोदी यांच्या वाढदिवसानिमित्त १७ सप्टेंबर ते २ ऑक्टोबर दरम्यान सेवा पंधरवाडा कार्यक्रम घेण्याचे नियोजन केले आहे. या सेवा पंधरवड्यात घेण्यात येणाऱ्या वेगवेगळ्या कार्यक्रमाच्या समितीसुद्धा या ठिकाणी जाहीर करण्यात आली. या बैठकीला आ. सुरेश भोळे (राजूमामा), महानगर जिल्हाध्यक्ष दिपक सूर्यवंशी यांनी तसेच सेवा पंधरवडा संयोजक विजय वानखेडे व उदयजी भालेराव यांनी मार्गदर्शन केले. बैठकीचे प्रस्ताविक जिल्हा सरचिटणीस नितीन इंगळे यांनी केले आणि आभार प्रदर्शन जयेश भावसार यांनी केले. याप्रसंगी विशेष सत्कार म्हणून भाजपा जिल्हा प्रसिद्धीप्रमुख मनोज भांडारकर यांची शिंपी समाजाच्या कार्याध्यक्षपदी निवड झाल्याबद्दल त्यांचा सत्कार आ. राजूमामा आणि जिल्हाध्यक्ष दिपक सूर्यवंशी यांच्या हस्ते करण्यात आला. बैठकीला जिल्हा सरचिटणीस विशाल त्रिपाठी ,नितीन इंगळे, जयेश भावसार ,भारतीताई सोनवणे ,प्रदेश सदस्य संतोष इंगळे, तसेच सर्व पदाधिकारी, मंडल अध्यक्ष मोठ्या संख्येने उपस्थित होते.